Anna Anna
origas de canna
origas tupadas
is cambas truncadas
crocada in su letu
a su mancu un'annetu

 

 

Li u, Ii du,

Li tre, canté,

Cantí, una ví,

Una Iana, pisana,

Memeche tundeche,

Sundeche.

 

 

Pistirrichinu

Malu mainu

Sennori longu

Lingi pingiada

Bocci priogu

Custu e' su procu

Custu dda mortu

Custu dda cottu

Custu dda pappau

A pistirrincheddu

Non ddi dda lassau

 

 

Manu morta, manu morta

Cali Deus ti dda posta

Cali Deus ti dda lassada

Manu morta bussinara

 

 

Pizzulu pizzulu cabuddò

A madama Iuaddò

Luaddò de San Gavini

At pappau pani fini

Pani fini cottu imoi

Bai bessiminci

de sa mat'e su piroi

 

 

Pibiri pibiri

Totoniscu

Frascu frascu

Tabarascu

Bessimici imoi imoi

De asutta de sa mesa

 

 

Babaiola, babaiola

Piga su libru e bai a iscola

Piga s'aneddu e bai a sposai

Babaiola pront'a bolai

 

babayola babayola,

piga su libru e bai a-i scola

piga su libru e bai a Casteddu

betimindi un bell'aneddu

un bell'aneddu po mi coyai

babayola pronta a bolai

 

 

Luna, luna, luna,

Donami fortuna,

Donami dinai,

Po mi coiai.

Luna, luna, luna.

Donami fortuna,

Donami dinai,

Maiobedda, maiobedda,

Bai a Casteddu,

Bittimi s'aneddu,

Po mi coiai,

Maiobedda boi bai.

 

 

Serra serra,

Palas a terra,

Palas a muru,

Su topi ‘e muru,

Murru su topi,

Totu sa notti,

Tottu sa di,

Furria palas,

E crocadì.

Furria palas,

E crocadì.

 

 

Baballotti, baballotti,

Su chi ‘essit a su notti,

Su chi ‘essit a de di,

Baballotti papaceddu, papaceddu,

Papaceddu, papaceddu, papaceddu

 

 

Duru duru duruseddu
mortu est s'ainu nieddu
sa pedde la batimus a Bosa
pro si fagher sas iscarpas
bascias las cheres o artas
o a punta 'e carcanzeddu
duru duru duruseddu
mortu est s'ainu nieddu

 

 

Strija mala strija
foras de domu mia
foras de su 'ixinu
noi granus de trigu
cincu granus de sali
cincu tassas de 'inu
a innoi no torris
po mi strijai

Duru, duru, duruseddu
s'amore benzat dae su casteddu
s'amore benzat a tinde leare
battat siendas kin meda dinare
e tue sias bestia de seda
battat dinare kin sienda meda
e unu fizu ki siat barone
a duru duru pizzinna minore

 

 

Oi oi, sa morti'e Lolloi,
sa morti de Ocheddu
e chini dd'at mortu?
su *** etotu. [innoi Cambosu nàrat: SU BABBU]
Ita dd'at torrau?
Unu boi scoau (o scorrau).
Ita ddo-i est aintr''e su boi?
Inguni ddo-i ei unu sacu 'e ***
Ita ddo-i est aintr''e su sacu?
Inguni ddo-i ei unu proceddu mascu.
Ita ddo-i est aintr''e su proceddu?
Inguni ddo-i ei unu moru nieddu.
Ita ddo-i est aintr''e su moru?
Inguni ddo-i ei una crapit''i oru.
Ita ddo-i est aintr''e sa crapita?
Inguni ddo-i ei una sinniora scrita.
Ita ddo-i est aintr''e sa sinniora?
Inguni ddo-i ei unu ballu 'e fora.
Ita ddo-i est aintr''e su ballu?
Inguni ddo-i ei unu son''e gragallu.
Ita ddo-i est aintr''e su sonu?
Inguni ddo-i ei una sigui 'e tronu.
Ita ddo-i est aintr''e sa sigui?
Inguni ddo-i ei unu muenti che tui.
Ita ddo-i est aintr''e su muenti?
Inguni ddo-i ei una stella luxenti.
Ita ddo-i est aintr''e sa stella?
Inguni ddo-i ei una tzaraca bella.
Ita ddo-i est aintr''e sa tzaraca?
Inguni ddo-i ei una fèmina straca,
straca e straca, su para minori,
su nasu in cu' ddu ponis a su cummendadori.

 

 

Cantilena meanesa

Fradi Billore tenet un'ebrè
candu da mugit d'alza su pè
et in ci di furriat su casiddone
nemo non tochet a fradi Billore.

Fradi Billore tenet una craba
candu da migit d'alza sa braba
et n-ci di furriat su casiddone
nemo non tochet a fradi Billore.

Fradi Billore tenet un' 'acca
et i si 'ettat su latti a busciacca
et n-ci di furriat su casiddone
nemo non tochet a fradi Billore.

Fradi Billore tenet 'nu puddu
et i di ponet cappotto et cuguddu
cappotto et cuguddu et gabbana 'e colore
nemo non tochet a fradi Billore.

Fradi Billore tenet 'nu 'attu
et di 'ettat a papari in prattu
a papari in prattu et a buffari in tassone
nemo no tochet a fradi Billore.

 

(De sa pizzinnia mia mi nd'ammento ateras puru, bellas e longas pro si nci dromire....)

"Tai tai multu est Pittai
et chini da moltu?
su babbu 'etottu,
et ita d'hat lassadu?
unu saccu sfundadu....

 

 

Custu pitzinneddu no pòrtat manteddu,
no pòrtat manteddu e nemancu coritu,
in tempus de fritu no nàrat titia,
drommi vida e coro e reposa anninnia.

 

 

Pibia, pibia
Santa Lughia
Santu Nicola
pibia 'ola, 'ola

cocoi, cocoi
oga sos corros
ca si no ti occo
a punta 'e sula